Ողջույն, ես Գոռ Ղազարյանն եմ։Ծնվել եմ Երևան քաղաքում՝ 26/05/2010թ Մարգարյան հիվանդանոցում՝ ժամը 15։15-ին։ Ընտանիքիս առաջնեկն եմ, ինչպես նաև երկու տատիկ-պապիկների առաջին թոռնիկը։ Անունս մայրիկիս ու հայրիկիս սիրելի անունն է, պլանավորել էին դեռևս իրենց հանդիպումների ժամանակ։
Խոսել սկսել եմ շատ շուտ։ Մեկ տարեկանում արդեն գիտեի, որ երկրի բնական արբանյակը Լուսինն է, խոսում էի անգլերեն և ռուսերեն, շատ հեքիաթներ ու բանաստեղծություններ գիտեի։ Ատամհատիկիս էլ պարզվեց, որ բժիշկ եմ դառնալու։
Մայրիկս տետր ունի, որտեղ գրել է իմ մասին ամեն ինչ։ Անգամ գրել է, թե բառերն ինչպես եմ արտասանել, ուր եմ գնացել կամ ամեն ամիս քաշս ինչքան է ավելացել։😃
Մանկությունս շատ լավ է անցել, շատ գունեղ։
Ծնողներս ամեն ինչ արել են, որ մանկությունս հետաքրքիր անցնի։ Շատ ենք ճամփորդել, հետաքրքիր վայրեր ենք գնացել։ Մայրիկս շատ գեղեցիկ էր պատրաստվում ինձ համար կարևոր նշանակություն ունեցող օրերին։ Ծնունդներիս գեղեցիկ զարդարում էր տունը, առավոտյան արթնանում էի մեծ անակնկալով։ Երբ առաջին անգամ մանկպարտեզ գնացի, եկա, տեսա, որ մայրիկս փուչիկներով զարդարել է մեր բակը և գեղեցիկ տորթի վրա գրել էր՝ “Իմ առաջին մանակպարտեզի օրը”։ Նույնը եղավ նաև իմ դպրոց գնալուց։Ես արդեն ունեմ քույր և եղբայր, որոնց շատ եմ սիրում։
Գոռ Ղազարյանի բլոգ 